Оюутан залуусын дунд үндэсний бөхийн өв соёлыг түгээн дэлгэрүүлэх, барилдааны ур чадварыг дээшлүүлэх, тамирчны карьер хөгжил, мэргэжлийн боловсрол эзэмших хүсэл эрмэлзлийг дэмжих зорилготой оюутны улсын аварга шалгаруулах барилдаан зохион байгуулагдах гэж байна.

   Тус оюутны УАШТ  2026 оны тавдугаар сарын 1-ний өдөр “Монгол бөхийн өргөө”-нд болох юм. Тэмцээнд 18–25 насны их, дээд сургууль, коллежийн бакалавр, магистр түвшний (2.5-аас дээш голч дүнтэй) оюутнууд оролцоно.

   Нэг сургуулиас нэг жинд дөрөв хүртэлх бөх -65 кг, -75 кг, -85 кг, -95 кг,| +95 кг, | үнэмлэхүй жингийн ангиллаар явагдана. Жин тус бүрийн аваргууд үнэмлэхүйд барилдана.