Энэтхэгийн Дели хотод хэт холын марафон гүйлтийн 2026 оны ДАШТ үргэлжилж байна. Монголын хэт холын марафон гүйлтийн холбооны “Мастер” ангиллын шигшээ багийн тамирчин, ОУХМ М. Оюун-Эрдэнэ ДАШТ-ний “Мастер” ангиллын -+60 насны 50 км-ийн зайд 4 цаг 8 минут 43 секунд цагийн амжилтаар тэргүүн байр эзэлж, алтан медаль хүртжээ.

   Тэрбээр +60 насны ангилалд дэлхийн дээд амжилтыг шинэчэн тогтоолоо. Энэ зай, насны ангилалын дээд амжилтыг 2015 онд Өмнөд Африкийн Бүгд Найрамдах Улсын Кейп Таун хотод болсон ДАШТ-ний үеэр АНУ-ын тамирчин Нэнси Уилл 4 цаг 12 минут 55 секундээр тогтоож байжээ. Дэлхийн шинэ дээд амжилтын эзэн Монгол Улсын тамирчин, ОУХМ М. Оюун-Эрдэнийн тэсвэр тэвчээрийг олон улсын баг тамирчид бахархан баярлаж хүлээж авсан байна.