АБТА, БТСТА, дасгалжуулагч Цэрэнжавын Жигдэн агсны нэрэмжит бөхийн чөлөөт барилдааны 2026 оны “U17”, “U23” насны ангиллын улсын аварга шалгаруулах тэмцээний нээлтийн үйл ажиллагаа боллоо.

   Нээлтийн үеэр төрийн дээд шагнал “Алтан гадас” одонгоор, зэвсэгт хүчний “Алдар” спортын хорооны тамирчин, ОУХМ О.Сүлдхүү, Увс аймгийн дасгалжуулагч Т.Буянт нарыг, чөлөөт бөхийн ОУХМ цолоор Б.Ганцэцэг нарыг шагналаа.

  Мөн Дархан-Уул аймгийн чөлөөт бөхийн холбооны тэргүүн, аймгийн засаг дарга Б.Азжаргал, чөлөөт бөхийн барилдаанд үнэтэй хувь нэмэр оруулсан эрхэм алдартнуудад хүндэтгэл үзүүлж, Монголын чөлөөт бөхийн холбоонд тэмцээний дурсгалын медаль гардууллаа.