Аялал жуулчлалын байгууллагуудын хөтөч, тайлбарлагч нарт жил бүр уламжлал болгон зохион байгуулагддаг “Чингис хаан Үндэсний музейд тайлбар хийх эрх олгох сургалт” тав дахь жилдээ гуравдугаар сарын 12-16-ны зохион байгуулагдаж байна. Жилээс жилд оролцогсдын тоо нэмэгдсээр байгаа ээлжит сургалтад 40 байгууллагын 70 гаруй аяллын хөтөч, тайлбарлагчид хамрагдаж байна.

    Сургалтаар дамжуулан хамгийн сүүлийн үеийн судалгааны мэдлэг мэдээллийг авч, танхим дахь практик сургалттай хослуулан олгож буйгаараа онцлог. Сургалтыг “Чингис хаан” үндэсний музейн Судалгаа, сан хөмрөгийн төв, Эрдэм шинжилгээ, кураторын баг хамтран зохион байгуулж байгаа юм.

    Академич С. Чулуун “Чингис хаан” үндэсний музейн зорилт, үйл ажиллагааны талаар мэдээлэл хийж, ШУА-ийн Түүхийн ухааны доктор, профессор эрдэмтэн багш нар удирдан явуулж байна. Түүнчлэн, сургалтын төгсгөлд эрдэмтэн багш нартай хамтран дугуй ширээний ярилцлага хийж, оролцогчдын дунд хэлэлцүүлэг өрнүүлэх юм.