Монголын жүдо бөхийн холбоо, Япон Улсын “Кодокан” институттэй хамтран 2026 оны гуравдугаар сарын 9-ний өдөр хүүхэд, өсвөр үеийн тамирчидтай ажилладаг багш, дасгалжуулагч нарыг мэргэшүүлэх сургалтад хамруулж байна.

   Энэхүү сургалтын хүрээнд дасгалжуулагч нар жүдо бөхийн үндэс, философи, сургалтын арга зүйг гүнзгийрүүлэн судалж, “Кодокан”-ы дан зэрэг олгох шалгалтад хамрагдаж байгаа юм.

   Ирээдүйн тамирчдыг зөв төлөвшүүлж, жүдо бөхийн үнэт зүйлсийг түгээн дэлгэрүүлэхэд чиглэсэн энэхүү сургалт нь Монголын жүдогийн багш, дасгалжуулагчдын ур чадварыг олон улсын түвшинд ахиулах чухал алхам болж байна.