МЧБХ-ны ерөнхийлөгчийн нэрэмжит 90 сая төгрөгийн шагналын сантай, олимпын жингийн "Шилдэг-8" чансаа өндөр анхдугаар тэмцээний 86 кг-ын жинд Ази тивийн аваргын хүрэл медальт, ОУХМ Н.Батбилгүүн түрүүллээ. Харин 79 кг-ын жин дэх дотоодын босоо аварга, Ази тивийн аваргын хошой хүрэл медальт, армийн дэлхийн аварга, ОУХМ О.Сүлдхүү жин өгсөж хүч сориод үзүүрлэв.

     Азийн аваргын мөнгөн медальт Э.Бямбадорж, улсын аваргын алт, хошой мөнгөн медальт Б.Батбаяр нар хүрэл медалийн эзнээр тодорсон. Б.Батбаярын хувьд, 2024, 2025 оны улсын аваргаар 74 кг-ын жинд финалдаад өнөө жил 79 кг-д хүч сорьж ахин аваргын төлөө барилдахаар шалгарсан билээ. Тэгвэл энэ удаа 86 кг руу өгсөж барилдаад мөн л медалийн тавцанд гарч байна. Харин Э.Бямбадоржийн тухайд, сүүлийн хоёр жилийн улсын аваргаар 86 кг-ын жинд өрсөлдөөд мөнгө, хүрэл медалийг гардаад байгаа юм.

Эрэгтэйчүүдийн 86 кг-ын дүн:

1. Н.Батбилгүүн (Алдар)

2. О.Сүлдхүү (Алдар)

3. Э.Бямбадорж (Байдрагийн хүчтэн)

3. Б.Батбаяр (Сүлд).