Олон улсын жүдо бөхийн холбоо “IJF”-ийн  цуврал “Ташкент-2026” их дуулга тэмцээн хоёрдугаар сарын 27-ноос, гуравдугаар сарын 1-ний өдрүүдэд явагдаж өндөрлөнө. Тус их дуулга тэмцээнд 39 орны эрэгтэй 209, эмэгтэй 161, нийт 370 тамирчин оролцож байна.

    “Ташкент-2026” их дуулгын эмэгтэйчүүдийн 52 кг-ын жинд АНЭУ-ын нэр дээр барилдаж буй Ази тивийн аварга, ОУХМ Бишрэлтийн Хорлоодой барилдаж мөнгөн медаль хүртлээ. Тэрбээр “В” хэсгийг толгойлон барилдсан. Б.Хорлоодой нэгдүгээр тойрогт гоц мөргөн ялалт авсан. Хоёрдугаар тойрогт Тажикстаны Madina QURBONZODA-г ялсан.

    Гуравдугаар тойргийн барилдаанд Бразилын Gabriela CONCEICAO-г ялж, “В” хэсгийн аварга болсон. Шөвгийн дөрөвт ОХУ-ын Liliia NUGAEVA-тай барилдаж ялсан. Финалийн барилдаанд аваргын алтан медалийн төлөө Японы Koкоро фужиширо барилдсан. Үндсэн цагт хэн, хэнээсээ үнэлгээ авч чадаагүй. Нэмэлт цагийн барилдаанд Фужиширо даралтаар ялалтыг авлаа.