Япон Улсын нийслэл Токио хотын “Тоёото” аренад мэргэжлийн сүмо бөхийн 69 дэх аварга, ёкозүна Хакүхо М.Даваажаргалын нэрэмжит “Хакүхо кап” олон улсын сүмо бөхийн өсвөр үеийнхний тэмцээн өнгөрсөн амралтын өдрүүдэд болов. 16 дахь удаагийн тэмцээнд 18 орны нийт 1305 тамирчин оролцсон байна.

    Монгол Улсаас хоёр насны ангилалд нэг алт, хоёр мөнгөн медаль хүртлээ. Тухайлбал, 12 насны ангилалд 192 тамирчин өрсөлдөхөд Н.Сүнгэрэл мөнгө, 13-15 насанд 384 тамирчин хүч үзэхэд Т.Чилүгэн алт, Ө.Хашмаргад мөнгөн медаль хүртэв. Т.Чилүгэн тус тэмцээнд хоёр жил дараалан түрүүлж байна.