• Өнөөдөр 2026-02-08

Э.Оюундарь, О.Мөнхтүмэн, Б.Дулмаа Монгол Улсын рекордыг тогтоолоо

2026-02-08,   142

       Хятадын Тяньжин хотноо 2026 оны хоёрдугаар сарын 6-8-ны өдрүүдэд 12 дахь удаагийн Азийн хөнгөн атлетикийн танхимын аварга шалгаруулах тэмцээн үргэлжилж байна. Азийн аваргад Үндэсний шигшээ багийн тамирчин, ОУХМ Отгонпүрэвийн Мөнхтүмэн танхимын 400 м зайн гүйлтэд 56.40 секунд, 60 м-ийн зайн гүйлтэд  7.79 секунд цагийн амжилт үзүүлж, Монгол Улсын рекорд амжилтыг шинэчлэн тогтоов.

      Мөн ҮШБ-ийн тамирчин, Базарсадын Дулмаа танхимын бөөрөнцөг түлхэлтийн төрөлд 12.22 м түлхэж Монгол Улсын рекорд дээд амжилтыг шинэчилсэн. ҮШБ-ийн тамирчин, ОУХМ Энхбатын Оюундарь танхимын гурвын харайлтын төрөлд 12.46 м харайж мөн танхимын уртын харайлтын төрөлд 5.60 м харайж Монгол Улсын рекорд, дээд амжилтыг тус тус шинэчлэн тогтоогоод тэмцээнээ амжилттай өндөрлүүлж байна. Мөн залуу тамирчин Бат-Эрдэнийн Сувд-Эрдэнэ уртын харайлтын төрөлд 5.15 м харайж хувийн дээд амжилтаа үзүүлжээ.

 


 

 


Э.Оюундарь, О.Мөнхтүмэн, Б.Дулмаа Монгол Улсын рекордыг тогтоолоо
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188