Хятадын Тяньжин хотноо 12 дахь удаагийн Азийн хөнгөн атлетикийн танхимын аварга шалгаруулах тэмцээн зохион байгуулагдаж байна. Азийн аваргын  2026 оны хоёрдугаар сарын 6-ны өдөр болсон тэмцээнд Монгол хөнгөн атлетикийн Үндэсний шигшээ багийн тамирчин, ОУХМ Отгонпүрэвийн Мөнхтүмэн 400 м-ийн зайн гүйлтэд уралдлаа.

   Тэрбээр 400 м-ийн зайн гүйлтэд 56.40 секунд цагийн амжилтаар Монгол Улсын рекорд, дээд амжилтыг шинэчилж, Азийн аваргад VI байр эзэллээ. Түүнээс өмнө нь 2007 онд БНХАУ-ын Макао хотноо болсон тэмцээнд Батгэрэлийн Мөнгөнтуяа 57.84 сек гүйсэн амжилтаар Монгол Улсын 400 м-ийн гүйлтийн эмэгтэйчүүдийн дээд амжилтыг эзэмшиж байсан юм.

    Азийн танхимын аваргын эмэгтэйчүүдийн бөөрөнцөг түлхэлтийн төрөлд Базарсадын Дулмаа 12.22 м түлхэж Монгол Улсын рекорд, дээд амжилтыг шинэчилж, Азийн аваргад V байр эзэллээ. Түүнээс өмнө нь 1990 онд Москва хотноо болсон тэмцээнд Ширнэндоржийн Долгор 12.03 м түлхсэн амжилтаар эзэмшиж байжээ.

   Азийн аваргад өнөөдөр, хоёрдугаар сарын 7-ны 19:05 цагт эмэгтэйчүүдийн гурвын харайлтын төрөлд ОУХМ Э.Оюундарь, 60 м гүйлтийн зай, төрөлд О.Мөнхтүмэн, маргааш буюу хоёрдугаар сарын 8-ны 10:20 цагаас эмэгтэйчүүдийн уртын харайлтад тамирчин Э.Оюундарь, Б.Сувд-Эрдэнэ нар өрсөлдөнө.