Монголын чөлөөт бөхийн холбооны ерөнхийлөгчийн нэрэмжит "ШИЛДЭГ-8" тэмцээн Орхон аймгийн Эрдэнэт хотноо зохион байгуулагдах гэж байна. Эрэгтэй, эмэгтэй олимпын зургаан жингийн шилдэг тамирчид, жин тус бүрийн дотоодын чансааны эхний найман тамирчин, мөн олимпын бус жингийн чансааг тэргүүлэгчид нэг дэвжээн дээр өрсөлдөнө.

    Тус тэмцээн Орхон аймаг, Эрдэнэт хот “Хангарьд” спорт ордон 2026 оны гуравдугаар сарын 3-5-ны өдрүүдэд болох юм. Өндөр шагналын сантай энэхүү тэмцээний ерөнхий ивээн тэтгэгчээр “Эрдэнэт” уулын баяжуулах үйлдвэр, Зохион байгуулагчаар Монголын чөлөөт бөхийн холбоо, Орхон аймгийн ЗДТГ, БТСГ ажиллана.