ОХУ-ын Красноярск хотод  чөлөөт бөхийн 37 дахь удаагийн Иван Ярыгиний нэрэмжит олон улсын нэр хүндтэй тэмцээн зохион байгуулагдаж өндөрлөсөн билээ. Тус тэмцээний эмэгтэйчүүдийн 76 кг-ын жинд  алтан медаль хүртэж, эх орныхоо нэрийг олон улсын дэвжээнд өндөрт өргөсөн залуу тамирчин Т.Түвшинжаргалыг Монголын чөлөөт бөхийн холбооны ерөнхий менежер Б.Энхбаяр хүлээн авч уулзан, халуун баяр хүргэж, их спортын өндөр амжилтыг хүсэн хүндэтгэл үзүүллээ.