Олон улсын жүдо бөхийн холбоо, “IJF”-ийн цуврал  тэмцээнүүдийн 2026 оны эхний “Их дуулга” Франц Улсын Парис хотод хоёрдугаар сарын 7-8-ны өдрүүдэд болох гэж байна. Энэ удаагийн “Бага дэлхийн аварга” гэж нэрлэдэг “Парис-2026 Гран слам”-д дэлхийн 82 орны эрэгтэй 329, эмэгтэй 199, нийт 528 тамирчин өрсөлдөнө. Манай улсаас эрэгтэй долоо, эмэгтэй найман тамирчин барилдах мэдүүлэг өгчээ. Эмэгтэйчүүдийн 70, +78, эрэгтэйчүүдийн 90, -100, +100 кг-ын жинд манай улсаас барилдах тамирчин мэдүүлэг одоогоор өгөөгүй байна.

ЭМЭГТЭЙЧҮҮДИЙН 48 КГ-Д Ж.АНУДАРЬ, Г.НАРАНЦЭЦЭГ

   Эмэгтэйчүүдийн 48 кг-ын жинд 24 тамирчин барилдах мэдүүлэг өгсөн байна. Манай улсаас энэ жинд ОУХМ Ганбаатарын Наранцэцэг, ОУХМ Жамсрангийн Анударь нар барилдана. Тус жинд Италийн Assunta SCUTTO, Францын Shirine BOUKLI, Японы Wakana KOGA, Испанийн Laura MARTINEZ ABELENDA, Eva PEREZ SOLER, Тайванийн LIN Chen-Hao, Бразилын Natasha FERREIRA, Израилийн Tamar MALCA, Хятадын  Wenna ZHUANG нарын шилдгүүд байна.

ЭМЭГТЭЙЧҮҮДИЙН 52 КГ-Д М.НАНДИН-ЭРДЭНЭ, Б.УРАНЗАЯА

      Эмэгтэйчүүдийн 52 кг-ын жинд 32 тамирчин барилдах мэдүүлэг өгсөн байна. Манай улсаас энэ жинд ОУХМ  Мягмарсүрэнгийн Нандин-Эрдэнэ, Баянмөнхийн Уранзаяа нар барилдах юм. Тус жинд  Косовогийн Distria KRASNIQI, Францын Amandine BUCHARD, Blandine PONT, Италийн Odette GIUFFRIDA,  Японы Kisumi OMORI, Nanako TSUBONE,    Германын  Mascha BALLHAUS, Испанийн Ariane TORO SOLER,  Ayumi LEIVA SANCHEZ, Унгарын  PUPP Reka, GYERTYAS Roza, Бразилын Jessica PEREIRA, Larissa PIMENTA, Өмнөд Солонгосын JANG Seyun, HWANG Suryeon нарын амаргүй хүчтэй өрсөлдөгчид байна.

 ЭМЭГТЭЙЧҮҮДИЙН 57 КГ-Д Т.АРИУНЗАЯА

    Эмэгтэйчүүдийн 57 кг-ын жинд 25 тамирчин барилдах мэдүүлэг өгсөн байна. Манай энэ жинд ОУХМ Тэрбишийн Ариунзаяа барилдана. Тус жинд Японы Momo TAMAOKI, Akari OMORI, Францын Sarah Leonie  CYSIQUE, Faiza MOKDAR, Хорватын Ana Viktorija PULJIZ, Израилийн Timna NELSON LEVY, Нидерландын Julie BEURSKENS нарын шилдгүүд барилдах мэдүүлэг өгсөн байна.

ЭМЭГТЭЙЧҮҮДИЙН 63 КГ-Д Л.ЭНХРИЙЛЭН

    Эмэгтэйчүүдийн 63 кг-ын жинд 24 жүдочин барилдах мэдүүлэг өгсөн байна. Манай улсаас энэ жинд МУГТ Лхагватогоогийн Энхрийлэн барилдана. Тус жинд Японы Kirari YAMAGUCHI, Өмнөд Солонгосын KIM Yeji, Хорватын Iva OBERAN, Нидерландын Joanne VAN LIESHOUT, Австрийн Lubjana PIOVESANA, Францын Manon DEKETER, Косовогийн Laura FAZLIU, Бразилын  Rafaela SILVA, Израилийн SHARIR Gili, Kerem PRIMO, Германын Friederike STOLZE нарын амаргүй өрсөлдөгчид манай Л.Энхрийлэнг хүлээж байгаа.  

ЭМЭГТЭЙЧҮҮДИЙН -78 КГ-Д О.ХҮСЛЭН, А.ДУЛАМСҮРЭН

      Эмэгтэйчүүдийн -78 кг-ын жинд 32 жүдочин барилдах мэдүүлэг өгсөн байна. Манай улсаас ОУХМ Отгонбаярын Хүслэн, залуу тамирчин Айлтгүйбаатарын Дуламсүрэн нар өрсөлдөнө. Тус жинд Италийн Alice BELLANDI, Францын Audrey TCHEUMEO, Японы Kurena IKEDA, Германын Alina BOEHM, Anna Monta OLEK,  Португалийн Patricia SAMPAIO, Нидерландын Guusje STEENHUIS, Английн Emma REID, Израилийн Inbar LANIR, Украины Yuliia KURCHENKO, Бразилын Beatriz FREITAS нарын шилдгүүд оржээ.

ЭРЭГТЭЙЧҮҮДИЙН 60 КГ-Д Э.АРИНБОЛД, Т.ТҮМЭНЖАРГАЛ

   Эрэгтэйчүүдийн 60 кг-ын жинд 41 жүдочин барилдах мэдүүлэг өгсөн байна. Манай улсаас ДАШТ-ий мөнгөн медальт, ОУХМ Энхтайванын Ариунболд, залуу тамирчин, оюутны “Унирверсиад” их наадмын хүрэл медальт, шинэхэн улсын аварга Түвшинтөрийн Түмэнжаргал нар барилдана. Тус жинд Японы Ryuju NAGAYAMA,  KONDO Hayato, Өмнөд Солонгосын LEE Harim, Францын Luka MKHEIDZE, Romain VALADIER PICARD, Бразилын Michel AUGUSTO, Тайванийн YANG Yung Wei, Азербайжаны Balabay AGHAYEV, Испанийн Francisco  GARRIGOS, Бельгийн Jorre VERSTRAETEN, Тажикстаны Mehrzod SUFIEV,  Казахстаны Sherzod DAVLATOV, Украины Dilshot KHALMATOV  нарын шилдэг тамирчин байна.

ЭРЭГТЭЙЧҮҮДИЙН 66 КГ-Д Ё.БАСХҮҮ, Ө.ЖАНЦАНДОРЖ, Б.НАРМАНДАХ

      Эрэгтэйчүүдийн 66 кг-ын жинд 52 жүдочин барилдах мэдүүлэг өгсөн байгаа. Манай улсаас ДАШТ-ий  хошой мөнгөн медальт, Ази тивийн аварга, МУГТ Ёндонпэрэнлэйн Басхүү, “Гран при”-гийн хүрэл медальт, залуу тамирчин Өнөрбатын Жанцандорж, АНЭУ-ын нэр дээр ОУХМ Баянмөнхийн Нармандах нар барилдана. Тус жинд Японы Takeshi TAKEOKA, Kairi KENTOKU, Францын Walide KHYAR, Daikii BOUBA, Бразилын Willian LIMA, Тажикстаны Nurali EMOMALI, Казахстаны Gusman KYRGYZBAYEV, Гүржийн Vazha MARGVELASHVILI, Молдавын  Denis VIERU, Азербайжаны Ruslan PASHAYEV нарын шилдэг тамирчид барилдахаар болжээ.

ЭРЭГТЭЙЧҮҮДИЙН 73 КГ-Д О.УРАНБАЯР, Л.АНХЗАЯА

    Эрэгтэйчүүпийн 73 кг-ын жинд 54 жүдочин барилдахаар мэдүүлэг өгсөн байна. Манай улсаас ДАШТ-ий хүрэл медальт, ОУХМ Лавжаргалын Анхзаяа, “Улаанбаатар Гранд слам”-ын аварга, ОУХМ Одгэрэлийн Уранбаяр нар барилдана. Тус жинд Азербайжаны Hidayat HEYDAROV, Францын Joan-Benjamin  GABA, Японы Tatsuki ISHIHARA, Ryuga  TANAKA, Бразилын Daniel CARGNIN, АНЭУ-ын нэр барилдаж буй ОХУ-ын Makhmadbek MAKHMADBEKOV, Италийн Manuel LOMBARDO, Гүржийн Lasha SHAVDATUASHVILI, Молдавын Adil OSMANOV, Тажикстаны  Muhiddin ASADULLOEV нарын шилдэг тамирчид, амаргүй өрсөлдөгчид байна.

 ЭРЭГТЭЙЧҮҮДИЙН 81 КГ-Д О.ШИНЭБАЯР

      Эрэгтэйчүүдийн 81 кг-ын жинд 53 жүдочин барилдах мэдүүлэг өгсөн байна. Энэ жинд манай улсаас Оюунчимэгийн Шинэбаяр барилдана. Түүнийг Бельгийн Matthias  CASSE, Японы Yuhei  OINO, Азербайжаны Zelim TCKAEV, Гүржийн Zaur  DVALASHVILI, Казахстаны Abylaikhan ZHUBANAZAR, Германы Timo CAVELIUS, Японы  Yoshito HOJO, АНЭУ-ын Gadzhimurad OMAROV, Бразилын Gabriel FALCAO, Өмнөд Солонгосын LEE Seungchan, PARK Jun Hyun, Францын OTMANE Luca,  ОХУ-ын Egor SUKHOPAROV, Kurban KUDIEV нарын амаргүй өрсөлдөгчид хүлээж байна.