ОХУ-ын Красноярск хотод олимп, дэлхийн аварга, алдар бөх Иван Ярыгины нэрэмжит чөлөөт бөхийн “Алтан Гран при-2026” тэмцээн өндөрлөж байна. Тус тэмцээний эмэгтэйчүүдийн  57 кг-ын жинд өрсөлдсөн, ДАШТ-ий мөнгө, Ази тивийн аваргын мөнгөн медальт, ОУХМ Батхуягийн Хулан, Бразилын тамирчин Родригесыг 13:8-аар ялж хүрэл медаль хүртсэн.

   Тус жинд барилдсан  “Төв Арж” клубийн 18 настай залуу тамирчин  Үжингийн Мөнхчимэг хүрэл медалийн төлөө өрсөлдөж, V  байрт орлоо. Эмэгтэйчүүдийн 53 кг-ын жинд, Ази тивийн аваргын хүрэл медальт, “Алдар” спорт хорооны тамирчин, ОУХМ Баянмөнхийн Отгонтуяа, шинэхэн улсын аварга,”Аварга” дэвжээний тамирчин, Одончимэгийн Ариунзаяаг ялж, хүрэл медаль авлаа.