ОХУ-ын Красноярск хотод олимп, дэлхийн аварга, алдар бөх Иван Ярыгины нэрэмжит чөлөөт бөхийн “Алтан Гран при-2026” тэмцээн үргэлжилж байна. Тус тэмцээний эрэгтэйчүүдийн 57 кг-ын жинд Үндэсний шигшээ баг, “Төгс” дэвжээний бөх, Азийн аваргын хүрэл медальт, ОУХМ Батхуягийн Мөнх-Эрдэнэ амжилттай барилдаж финалдлаа. Тэрбээр 2025 оны дэлхийн аварга БНАСАУ-ын бөх Чон Сан Ханыг 11:1-ээр илүүрхэн оноогоор цэвэр ялж, алтан медалийн төлөө барилдахаар боллоо.