Олон улсын олимпын хороо, Азийн олимпын зөвлөлийн ивээн дор зохион байгуулагддаг дөрвөн том наадам 2026 онд зохион байгуулагдана. МҮОХ-ны гүйцэтгэх зөвлөлөөс эдгээр наадмуудад баг, тамирчдыг ахалж, оролцогч талуудыг удирдлага, зохион байгуулалтаар хангах багийн ахлагч нарыг томиллоо.

   Африк тивд анх удаа явагдах залуучуудын олимпын наадам 2026 оны аравдугаар сарын 31-ээс арваннэгдүгээр сарын 13-ны өдрүүдэд Сенегал Улсын Дакар хотноо явагдана. Уг наадамд оролцох Монголын багийн ахлагчаар ССАЖЗ-ын сайд Ч. Ундрам ажиллана.

  Азийн олимпын зөвлөл /АОЗ/-ийн ивээл дор “Санъя 2026” Азийн элсний наадам 14 спортын 61 төрөл зайд зохион байгуулагдана. Монголын багийн ахлагчаар  МҮОХ-ны гишүүн, Монголын 3х3 сагсан бөмбөгийн холбооны ерөнхийлөгч Л. Мягмаржав ажиллана.

   Харин арваннэгдүгээр сарын 28-наас арванхоёрдугаар сарын 7-ны өдрүүдэд спортын 18 төрөлд зохиоглох “Рияд 2026” Азийн танхимын болон тулааны спортын наадам явагдана. Уг наадамд оролцох Монголын багийн ахлагчаар Монгол Улсын Ерөнхийлөгчийн Тамгын газрын дарга А. Үйлстөгөлдөр ажиллана.