Хэнтий аймгийн Чингис хотод маргааш буюу нэгдүгээр сарын 23-26-ны өдрүүдэд жүдо бөхийн насанд хүрэгчдийн улсын аварга шалгаруулах тэмцээн эхэлнэ. Энэ удаагийн УАШТ-д эрэгтэй 212 , эмэгтэй 105,  нийт 317 тамирчин оролцохоор мэдүүлгээ өгчээ .

    Эрэгтэй жингүүдээс хамгийн олон тамирчинтай жин бол 60 кг болж байна. Харин эмэгтэйчүдийн 48 кг-ын жинд хамгийн олон тамирчин өрсөлдөнө . Өнөөдөр үдээс хойш 15:00 цагаас УАШТ-ий сугалаа гарч маргааш өглөө 9:00 цагаас эхний өдрийн хэсгийн барилдаанууд эхэлнэ.

     Харин финалын барилдаанууд 16:00 цагаас эхлэх юм . Маргааш буюу эхний өдөр эрэгтэйчүүдийн  73 , 90 , -100 , +100 кг , эмэгтэйчүүдийн  57 , 70 , -78 , +78 кг гэсэн жингүүд барилдаанууд явагдана. УАШТ-ий хоёр дахь өдөр эрэгтэйчүүдийн  60 , 66 , 81 , эмэгтэйчүүдийн 48 , 52 , 63 кг-ын  жингүүдийн  барилдаан болно.  УАШТ-ий хамгийн сүүлийн өдөр холимог багийн эрэгтэй 73 , 90 , +90 , эмэгтэй 57 , 70 , +70 кг гэсэн жингүүдээр холимог багийн аваргуудаа тодруулна.