Монголын спортын наадмын хүрээнд хүндийг өргөлтийн насанд хүрэгчдийн улсын аварга шалгаруулах тэмцээн “Монгол бөхийн өргөө”-нд эхэллээ. Хоёр өдөр үргэлжлэх тус тэмцээнд Улаанбаатар хотын спорт хороо, клуб болон Орхон, Дархан-Уул, Хэнтий, Архангай аймгийн 120 гаруй тамирчин эрэгтэй, эмэгтэй тус бүр найман жингээр өрсөлдөж байна.

    Эрэгтэйчүүдийн 72, эмэгтэйчүүдийн 22 дахь удаагийн улсын аварга шалгаруулах тэмцээний салхийг хамгийн хөнгөн жингийн ангилал эмэгтэйчүүдийн 48 кг-ын жингээр тэмцээнийг эхлүүлсэн юм. Энэ жинд есөн тамирчин өрсөлдсөн. ОУХМ Б.Тунгалаг огцом өргөлтөөр 52 кг, түлхэлттэй өргөлтөөр 61, нийлбэр дүнгээр 113 кг-ыг өргөснөөр насанд хүрэгчдийн УАШТ-д найм дахь удаагаа түрүүлж байгаа юм. Энэ жинд мөнгөн медалийг Хэнтий аймгийн тамирчин Х.Буянням, хүрэл медалийг Дархан-Уул аймгийн тамирчин Х.Хулан нар хүртсэн юм.