“Чингис хаан” үндэсний музейн захирал, академич С.Чулуун Итали Улсын Ром хотод байрладаг Олон улсын өвийн хүрээлэнгийн захирал Сержио Иовинотой 2026 оны нэгдүгээр сарын 20-ны өдөр харилцан ойлголцлын санамж бичиг байгууллаа.

    Тус санамж бичгийн хүрээнд үзмэр цуглуулгыг дижитал хэлбэрт оруулж, олон улсын соёлын платформуудад нэгтгэх. Хөгжлийн бэрхшээлтэй иргэд музейн соёлын өвд хандах боломжийг олгох. Музейн ажилтнууд, хөтөч нарыг чадавхжуулах, ахисан түвшний сургалтад хамруулах. Эрдэмтэн, куратор, мэргэжилтнүүдийн хооронд хамтарсан судалгааны төсөл хөтөлбөр хэрэгжүүлэх чиглэлд хамтран ажиллахаар тохиролцлоо.

     Олон улсын өвийн хүрээлэн нь дэлхийн хэмжээнд соёлын өвийн хадгалалт хамгаалалт, сурталчилгаа, үнэлэмжийг дээшлүүлэх чиглэлээр үйл ажиллагаа явуулахын зэрэгцээ олон улсын хамтын ажиллагаа, соёлын дипломат ажиллагаа болон соёл хоорондын яриа хэлэлцээг дэмжин ажилладаг байна.