Өмнөд Солонгосын Уулын гүйлтийн холбооны 2026 оны цуврал тэмцээнүүдийн нэг “Korea snow trial” уулын жимийн гүйлтийн тэмцээн энэ сарын 18-ны өдөр боллоо. Тус тэмцээн 30 км ба 13 км зай төрлөөр явагдав. Сөүл хотоос зүүн өмнө зүгт 270 км зайд орших Taebaeksan уулын үндэсний паркад болсон тус тэмцээнд 700 гаруй хүн оролцсон.

    “UTMB” оноо өгдөгөөрөө онцлогтой тус тэмцээнд манай улсаас хоёр тамирчин оролцлоо. Тэмцээний 30 км-ийн зайн эмэгтэй төрөлд Л.Уянга 5:20:22 цагийн амжилтаар IV байрт, 13 км-ийн зайн эрэгтэй төрөлд хэт холын марафон гүйлтийн спортын дэд мастер Н.Нямбаяр 1:11:22 цагаар 2-р байр эзэллээ.