Монголын Үндэсний бөхийн холбооны “Алтан цом” -ын тавдугаар тойргийн хоёр дахь өдрийн барилдаанд “Од” групп ХХК-ийн “ОД ГРУПП” баг, “Алсын жим” ХХК-ийн “ХАМАГ МОНГОЛ” багтай учраа тааран барилдаж, “Хамаг Монгол” баг 16:9-өөр ээлжит ялалтаа авлаа.

     “Хамаг Монгол” багт улсын заан Б.Бат-Өлзий /2/, улсын өсөх идэр начин Л.Энхсаруул /4/, аймгийн арслан Ө.Батсуурь /5/, аймгийн арслан Г.Цоггэрэл /3/, аймгийн арслан Б.Цагаанбанди /0/ гуравдугаар тойргоос сэлгээнд сууж, түүний оронд орж барилдсан дархан аварга Н.Батсуурь /2/, тавдугаар тойргоос сэлгээнд сууж, түүний оронд орж барилдсан.

    Аймгийн арслан Б.Төмөрбаатар /0/ нийт 16 даваагаар ээлжит ялалтаа авсан бол “Од” групп багт улсын аварга О.Хангай /3/ улсын заан Д.Хүдэрбулга /3/ улсын харцага Г.Ганхуяг /1/, тавдугаар тойргоос сэлгээнд сууж, түүний оронд орж барилдсан аймгийн арслан Х.Наранбаяр /0/, улсын харцага М.Бэлгүтэй /0/ хоёрдугаар тойргоос сэлгээнд сууж, түүний оронд орж барилдсан аймгийн начин Б.Гончигсүрэн /0/, улсын өсөх идэр начин Б.Түмэндэмбэрэл /2/, тавдугаар тойргоос сэлгээнд сууж, түүний оронд орж барилдсан аймгийн арслан Д.Батбаяр /0/, нийт есөн даваа авсан юм.

      “Хамаг Монгол” багийн дасгалжуулагчаар улсын харцага Т.Баасанхүү, “Од” групп багийн дасгалжуулагчаар улсын заан Ц.Мягмарсүрэн нар ажиллав. “Нутгийн буян” группийн “ХУБИЛАЙ ХААН” баг, Хэрэйд ХХК-ийн “ХҮЛЭГҮ” багтай учраа тааран барилдаж, Хубилай хаан баг 20:5-аар илт давуу ээлжит ялалтаа авлаа.

     “Хубилай хаан” багт улсын арслан Ц.Бямба-Отгон /5/, улсын начин Д.Амарсайхан /4/ улсын начин Б.Лхагвадорж /4/, улсын начин Х.Оргилболд /3/, аймгийн арслан М.Эрхэмбаяр /2/ гуравдугаар тойргоос сэлгээнд сууж, түүний оронд орж барилдсан аймгийн арслан М.Гантулга /2/ нийт 20 даваа авсан бол Хүлэгү багт улсын заан Б.Серик /2/, улсын харцага Г.Бадрах /1/, аймгийн арслан Е.Көптилек /0/, аймгийн арслан Н.Намнансүрэн /2/, цэргийн арслан Б.Өлзийсайхан /0/, нийт 5 даваа авсан юм.

     “Хубилай хаан”  багийн дасгалжуулагчаар улсын өсөх идэр начин Н.Бүрэнбаатар, “Хүлэгү” багийн дасгалжуулагчаар улсын заан Б.Серик нар ажиллав.  Дараагийн барилдаан нэгдүгээр сарын 24-ний бямба гарагт 14:30 цагаас Монголын Үндэсний Бөхийн Холбооны Алтан цомын /зургаадугаар тойргийн эхний хагас/ барилдаанаар үргэлжилнэ.

МОНГОЛЫН ҮНДЭСНИЙ БӨХИЙН ХОЛБОО