Тайланд Улсад засмал замын дугуй үндэсний аварга шалгаруулах тэмцээн нэгдүгээр сарын 16-18-ны өдрүүдэд болж байна. Тэмцээний эмэгтэйчүүдийн 21.6 км-ын цуваа гараанд Монгол Улсын тамирчин Ц.Солонго V байрт шалгарсан байна.

     Тэрбээр өнөөдөр 72 км-ийн бөөн гараатай уралдаанд өрсөлдөх юм. Ц.Солонго нь 2022 оны Азийн аварга шалгаруулах тэмцээний цуваа гараатай уралдааны хүрэл, Вьетнам Улсад 2025 онд болсон олон өдрийн уралдааны этапад гурав, нийлбэр дүнгээр X байр, Монголын бүх ард түмний спортын 2008, 2012, 2016, 2022, 2025 оны наадмын аварга тамирчин юм.