Өмнөд Солонгосын Жэчон хотын Хөнгөн атлетикийн холбооны нэрэмжит 18 дахь удаагийн “Үйримжи Самхан” цээж нүцгэн гүйлтийн тэмцээн энэ сарын 11-ний өдөр боллоо. Тус тэмцээний 7 км-ийн гүйлтэд 800 гаруй хүн оролцсон байна. “Mongolian Elite Runners” клубийн тамирчин, Ховд аймгийн Булган сумын уугуул, хэт холын марафон гүйлтийн спортын дэд мастер Н.Нямбаяр 25:51’56 цагийн амжилтаар нийт оролцогчдоос V байр, насны ангилалдаа тэргүүн байр эзэллээ.