Монголын хөнгөн атлетикийн өсвөр үеийн болон залуу тамирчид зургаа дахь жилдээ Өмнөд Солонгосын Бучеон хотын өсвөрийн тамирчидтай хамтарсан бэлтгэл хийж байна. Энэ удаагийн бэлтгэлд МУБИС-ийн БТС-ийн Спортын мэргэжлийн онол, арга зүйн тэнхимийн эрхлэгч доктор(Ph.D) Б.Нармандах, “Алдар” спорт хорооны хөнгөн атлетикийн дасгалжуулагч, дэд хурандаа Х.Уянга, Өмнөговь аймгийн спорт хорооны хөнгөн атлетикийн дасгалжуулагч Д.Анхбат нарын удирдлага дор “Алдар” спорт хороо, Өмнөговь аймгийн өсвөрийн тамирчид хамрагдаж байна.

     Тус багт “U20” 400 м-ийн рекорд, МБАТ-ний спортын наадмын алтан медальт,  С.Батзориг, “U15” 400 м-ийн О.Хувьтөгөлдөр, “U15” 100 м, 200 м-ийн О.Азбаяр, “U17” 1500 м, 5000 м-ийн А.Цагаадай, “U17” ангиллын 400 м-ийн гүйлтийн тамирчин Ц.Оюунтунгалаг нар байна. Мөн Монгол Улсын аварга, хүүхдийн наадмын алтан медальт тамирчид болон 800 м-ийн гүйлтийн мөнгөн медальт Э.Мөнгөншагай, МБАТ-ний спортын их наадмын 800м, 1500 м-ийн аварга Д.Мягмарсүрэн, 800,1500 м-ийн гүйлтийн мөнгө, хүрэл медальт, Т.Баасандаш нарын шилдэг тамирчид бэлтгэл сургуулилалтаа хичээнгүйлэн хийж байна.