Монголын чөлөөт болон сонгомол бөхийн үндэсний шигшээ багийн дасгалжуулагчдын бүрэлдэхүүн өчигдөр Японы нэрт дасгалжуулагч Казухито Сакай, Монголын чөлөөт бөхийн холбооны ерөнхий нарийн бичгийн дарга Б.Мянганбаярын хамтаар 2026 оны бэлтгэл ажлын анхны албан ёсны хурлаа зохион байгууллаа.

    Тус хурлын үеэр 2026 онд хэрэгжүүлэх бэлтгэл сургуулилалтын нарийвчилсан төлөвлөгөө, олон улс, тив, дэлхийн чанартай тэмцээн уралдаанд шигшээ багийн тамирчдыг хэрхэн үе шаттай, бодлоготойгоор бэлтгэн оролцуулах стратеги, зохион байгуулалтын асуудлуудыг хэлэлцэн, бодит ажил хэрэг болгох задаргаан дээр төвлөрөн ажиллав.

    Мөн өнгөрсөн ням гарагт өндөрлөсөн насанд хүрэгчдийн улсын аварга шалгаруулах тэмцээний үр дүн, тамирчдын бэлтгэлжилтийн түвшинд хийсэн Японы дасгалжуулагч Казухито Сакай багшийн мэргэжлийн судалгаа, дүгнэлтэд тулгуурлан цаашид хэрэгжүүлэх сургалт, бэлтгэлийн чиглэлийг тодорхойлох чухал ажлууд хийгдлээ.