Сэлэнгэ аймгийн Алтанбулаг сумын уугуул, Олон улсын шатрын Их мастер, Монгол Улсын гавьяат тамирчин А.Энхтуулд Сэлэнэ аймгийн Засаг дарга болон “Халада” группийн зүгээс Алтанбулаг суман дахь шинээр ашиглалтад орсон 60 айлын орон сууцанд  хоёр өрөө байрыг хүлээлгэн өгч цаашдын спортын замналд нь амжилт хүслээ.

     МУГТ А.Энхтуул 22 жилийн турш шатрын спортоор хичээллэж нутаг орныхоо нэрийг тив дэлхийд өргөж яваа юм. Түүний энэ амжилтыг төр засгаас өндрөөр үнэлж 2025 онд Монгол Улсын гавьяат тамирчин цол тэмдгээр шагнасан билээ.

     Тэрбээр өөрийн сурсан мэдсэнээ нутгийнхаа хүүхэд багачуудад зааж, шатрын спортыг нутаг орондоо хөгжүүлэх хүсэлтэй байгаагаа Сэлэнгэ аймгийн Засаг даргад илэрхийлснээр ийнхүү орон сууцны дэмжлэгийг үзүүллээ.