Говь-Алтай аймгийн Тонхил сум дахь уулын спортын ууган мастер Я.Жанцангийн нэрэмжит "Сутайн бор" клубийн баг тамирчид ОУУХ(UIAA)-ны мөсөнд авиралтын 2026 оны дэлхийн цомын аварга шалгаруулах цуврал тэмцээнүүдийг зорин өнөөдөр “Чингис”хаан” олон улсын нисэх буудлаас Өмнөд Солонгосын Чонгсоныг зорин хүлгийн жолоо заллаа.

    Манай багийн бүрэлдэхүүнд "Улаанбаатар Дулаан Сүлжээ" ТӨХК-ийн инженер,ОУХМ Н.Хэрлэн, уулын спортын мастер О.Сайханжаргал,  МУБИС-ийн БТС-ийн Спорт аялал жуулчлалын ангийн III дамжааны оюутан, дэлхийн цомын аварга, ОУХМ Н.Сэлэнгэ нар багтжээ.

    Манай баг тамирчид "Сутайн бор" клубийн ерөнхий захирал бөгөөд дасгалжуулагч, уулын спортын мастер Х.Нямдоо болон МУГД, ОУХМ Ц.Хосбаяр багш нарын удирдлага дор бэлтгэл сургуулилалтаа базаажээ. Өмнөд Солонгосын Чонгсоны тэмцээний дараа Швейцар болон АНУ, Канад Улсад болох цувралууд манай тамирчдыг хүлээж байна.