Өмнөд Солонгосын волейболын лиг  2025 оны арванхоёрдугаар сарын 29-ний өдөр Сөүл хотын Мапо дүүрэг, “Сангам-доны MBC Медиа төв”-ийн нээлттэй танхимд “2025 MBC Энтертайнмент Авардс” ёслолын арга хэмжээ боллоо.

    Волейболын домогт тамирчин Ким Ён Гён болон Монголын волейболчин Жамьянпүрэвийн Энхсоёл нар “2025 MBC Энтертайнмент Авардс”-ийн “Шилдэг хос (Best Couple)” шагналыг хүртлээ. Энэ үдэш “MBC-ийн энтертайнмент” нэвтрүүлгүүдээр дамжуулан нэг жилийн турш үзэгчдэд баяр баясал бэлэглэсэн уран бүтээлчид цугларсан байна.

   Жамьянпүрэвийн Энхсоёл нь багийнхаа тоглолтын хуваарьтай давхацсан тул ёслолд оролцож чадаагүй бөгөөд түүний оронд монгол тамирчин Тамираа тайзан дээр гарсан байна. Энэ үеэр Ким Ён Гён: “Инкуши тамирчин багийнхаа хуваарийн улмаас ирж чадаагүй. Ийм их шагнал авна гэж төсөөлөөгүй, шагнал олон болох тусам улам их догдолж байна” хэмээжээ.