Үндэсний эрх чөлөө, тусгаар тогтнолоо сэргээн мандуулсан түүхт 114 жилийн ойг тохиолдуулан Монгол Улсын Ерөнхийлөгч У.Хүрэлсүх зарлиг гаргаж, МҮОНРТ-ийн редактор Гарьдшувуугийн Отгонжаргалыг Төрийн дээд шагнал “Хөдөлмөрийн гавьяаны улаан тугийн одон”-гоор шагналаа.

   МҮОНРТ-ийн “MNB SPORT” сувгийн редактор Г.Отгонжаргал нь спортын мэдээлэл, шууд дамжуулалт, нэвтрүүлэг үйлдвэрлэл, төрөлжсөн контент бэлтгэх чиглэлд мэргэшсэнээр танигдсан олны танил нэгэн юм.

   Түүний удирдсан баг ардын хувьсгалын 100 жилийн ойд зориулсан “Монголын спортын нэгэн зуун” гэж нэрлэгдсэн томоохон төслийг хэрэгжүүлсэн нь спортын түүх, амжилтыг олон нийтэд хүргэсэн чухал ажлын нэг байв.