Чөлөөт бөхийн үндэсний шигшээ баг, “Алдар” спорт хороо, “Аваргууд” академийн тамирчин ОУХМ Түвшинжаргалын Энхжин, үндэсний шигшээ баг, “Хилчин” спорт хороо, “Аваргууд” академийн тамирчин ОУХМ Тогтохын Алтжин нар өнөөдөр шагнал хүртлээ.

    Тэд Монгол Улсын ерөнхийлөгчийн зарлигаар төрийн дээд “Хөдөлмөрийн гавьяаны улаан тугийн одон”-гоор шагнагдаж 2025 онд гаргасан амжилтаа үнэлүүллээ.

    ОУХМ Т.Энхжин, Т.Алтжин нар 2025 оны есдүгээр сард Хорват Улсын Загреб хотод зохиогдсон чөлөөт бөхийн насанд хүрэгчдийн дэлхийн аварга шалгаруулах тэмцээнээс 59 кг болон  65 кг-ын жингүүдэд тус тус хүрэл медалийн эзэд болсон юм.