Олон улсын жүдо бөхийн холбоо “IJF”-ээс 2025 оны эрэгтэй, эмэгтэй тус бүр долоо, нийт 14 жингийн дэлхийн чансааг тэргүүлж яваа бөхчүүдийг танилцууллаа. Манай улсаас ДАШТ-ий хүрэл медальт, Ази тивийн аварга, ОУХМ Болдын Ганхайч 63 кг-ын жиндээ чансааны нийт оноогоор гуравдугаарт эрэмбэлэгдсэн байна.  Тус  жинг Японы Кажу Харука 6000 оноогоор тэргүүлж, хоёрдугаарт,  дэлхийн аварга, дэлхийн аваргын хүрэл медальт, Канадын Катерине Беаучемин Пинард 4601 оноогоор, түүний ард гуравдугаар манай Б.Ганхайч 4166 оноотойгоор эрэмбэлэгджээ.