Монголын волейболын холбоо дасгалжуулагчдын зөвлөлтэй хамтран 2025 оны арванхоёрдугаар сарын 22–23-ны өдрүүдэд волейболын “Дасгалжуулагчдын форум”-ыг амжилттай зохион байгууллаа. Форумд 21 аймаг, нийслэлийн есөн дүүрэг, “Үндэсний дээд лиг”, “Хөгжлийн лиг” болон их, дээд сургуулиудын төлөөлөл болсон 56 багш, дасгалжуулагч хамрагдав.

     Тус форумд спортын шинжлэх ухаан, сэтгэл зүй, эрүүл мэнд, хоол зүй, ёс зүйн чиглэлийн эрдэмтэн судлаачид, мэргэжилтнүүд панелистаар оролцож, мэдлэг туршлагаа хуваалцлаа. Форумын хүрээнд Монголын волейболын өнөөгийн нөхцөл байдал, дасгалжуулагчийн чадавх, хөгжил, ирээдүйн чиг хандлага болон холбогдох дүрэм журмуудыг хэлэлцэв.

     Энэхүү форум нь дасгалжуулагчдын нэгдсэн ойлголт, хамтын ажиллагааг бэхжүүлж, Монголын волейболын хөгжлийн дараагийн шатанд чухал алхам боллоо.