Монголын хөл бөмбөгийн холбооны ерөнхийлөгч Ц.Анандбазар өчигдөр арванхоёрдугаар сарын 22-ны өдөр  Франц Улсаас Монгол Улсад суугаа Онц бөгөөд Бүрэн эрхт Элчин сайд хатагтай Коринн Перэраг хүлээн авч уулзлаа.

    Уулзалтын үеэр Монголын хөл бөмбөгийн хөгжлийн өнөөгийн байдал, цаашдын хамтын ажиллагааны боломжийн талаар санал солилцож, хамтран ажиллах талаар ярилцав.

    Мөн эмэгтэйчүүдийн хөл бөмбөгийг хөгжүүлэх, Франц Улсаас дасгалжуулагч урьж ажиллуулах, футзалыг дэмжих, хүүхдийн хөл бөмбөгийн академи байгуулах чиглэлээр хамтран ажиллах боломжуудын талаар санал солилцов.

   Элчин сайд Коринн Перэра уулзалтын үеэр хэлэхдээ, Францын Элчин сайдын яамны зүгээс спортын чиглэлээр тэр дундаа хөлбөмбөгийн спортыг Монголд хөгжүүлэхэд хамтын ажиллагааг чиглүүлэхэд онцгой анхаарч ажиллахаар төлөвлөж буйгаа илэрхийллээ.