Монгол Улсын биеийн тамир, спортын хөгжлийг эрчимжүүлэх чухал хүчин зүйлийн нэгэнд спортын барилга, байгууламж, дэд бүтэц, орчин нөхцөл зайлшгүй ордог билээ. Монгол Улсын Ерөнхийлөгч У. Хүрэлсүхийн санаачилгаар БНХАУ- ын тусламжаар орчин үеийн стандартад нийцсэн Спортын иж бүрэн цогцолборыг барьж, байгуулах ажил эрчимтэй явагдаж байна.

     Тус цогцолбор 20 гаруй спортын төрлөөр хүүхэд, залуучууд, өсвөрийн болон өндөр зэрэглэлийн тамирчид нэгэн зэрэг хичээллэх хүчин чадалтай байх юм.  Ерөнхийлөгчийн нэрэмжит энэхүү Спортын иж бүрэн цогцолбор нь биеийн тамир, спортын салбарын хөгжилд томоохон түлхэц өгөх нь тодорхой юм. Ерөнхийлөгчийн зөвлөх Ш. Амарсайханд цогцолборыг бүтээн байгуулах ажлыг бүтээлчээр удирдан зохион байгуулж байна.