Монголын буудлага спортын холбооны цомын аварга шалгаруулах тэмцээн үргэлжилж байна. Өчигдөр гар бууны  шигшээ тэмцээний  10 м-ийн хийн гар бууны эрэгтэй, эмэгтэй ганцаарчилсан дасгалын шилдэгийн шилдэгүүд тодорлоо.

     Хийн гар бууны 10 м-ийн эмэгтэйчүүдийн дасгалд “Алдар” спорт хорооны Г.Хэрлэнцэцэг  236.9 оноогоор нэгдүгээр байр  шалгарлаа. Хоёрдугаар байрт “Том босс” клубийн А.Ариунзаяа 235 оноогоор, гуравдугаар байрт  “Аврагч” спорт хорооны Т.Баярцэцэг 213.3 оноогоор орлоо.

    Харин эрэгтэйчүүдийн хийн гар бууны 10 м-ийн дасгалд “Алдар” спорт хорооны Э.Даваахүү 242.9 оноогоор алтан медаль хүртэв. Хоёрдугаар байрт “Том босс” клубийн Ц.Мөнхдорж 237.7 оноогоор, гуравдугаар байрт БГД-ийн Б.Мөнхбаяр 215.4 оноогоор шалгарлаа.