Увс аймгийн Өндөрхангай сумын харьяат, Дархан хотын Биеийн тамир спорт хорооны бөх, спортын мастер, аймгийн заан Цэвэгдоржийн Гонгор агсны нэрэмжит үндэсний бөхийн залуучуудын улсын аварга шалгаруулах барилдаан Дархан хотод тав дахь удаагаа зохион байгуулагдлаа.  Залуучуудын “U20 “ хүртлэх насны 80 орчим газар газрын шилдэг залуус цуглаж үнэн хүчийг үзэн тойргийн журмаар барилдлаа.

Шигшээ 10 бөхөд:

Баян-Өлгий аймгийн Алтанцөгц сумын харьяат,  “Алдар” спорт хорооны бөх сумын заан С.Нуртилек.

Говь-Алтай аймгийн Дарви сумын харьяат, “Хилчин” спорт хороо, “Хантайшир” дэвжээний бөх, сумын наадмын гурван түрүүтэй сумын заан Л.Отгонбаяр.

Өмнөговь аймгийн Сэврэй сумын харьяат “Эв Монгол” клубийн бөх сумын наадмын гурван түрүүтэй, сумын заан С.Баярбаатар.

Хөвсгөл аймгийн Алаг-Эрдэнэ сумын харьяат, “Алдар” спорт хорооны бөх сумынг начин Б.Тэмүүжин.

Увс аймгийн Бөхмөрөн сумын харьяат, “Баянгол Аваргууд академи”-ийн бөх сумын заан Т.Дөлгөөн.

Ховд аймгийн Үенч сумын уугуул, Алтай сумын харьяат, “Алдар” спорт хорооны бөх сумын заан Ц.Өсөхбаяр.

Дархан-Уул аймгийн Дархан сумын харьяат, “Дархан Хайрхан Дэвжээ”-ний бөх аймгийн начин Б.Мөнхжин.

Хэнтий аймгийн Бор-Өндөр сумын харьяат, “Алдар” спорт хорооны бөх сумын заан Э.Эрдэнэмөнх.

Говь-Алтай аймгийн Хөхморьт сумын харьяат, “Эв Монгол” клубийн бөх сумын наадмын гурван түрүүтэй сумын заан Э.Бат-Өлзий.

Сэлэнгэ аймгийн Сайхан сумын харьяат, “Алдар” спорт хорооны бөх сумын заан Ц.Отгонбилэг нар шалгарлаа.

Уран барилдааны шагналыг “Эв Монгол” клубийн бөх сумын заан С.Баярбаатар,

“Уран гараа дэвээтэй бөх”-ийн шагналыг Архангай аймгийн Булган сумын харьяат, “Бөх Билэгт дэвжээ”-ний бөх сумын начин Б.Хадбаатар нар хүртэв.

Багийн дүнгээр:

Монгол Улсын харцага Б.Одгэрэл дасгалжуулагчтай, “Алдар” спорт хороо

МУГД, Монгол Улсын начин Б.Адьяахүү дасгалжуулагчтай “Эв Монгол клуб”,

Спортын мастер Ц.Мандалсүрэн дасгалжуулагчтай “Баянгол Аваргууд Академи” тус тус хүртлээ.