Ой тогтоолтын Дэлхийн Холбооноос зохион байгуулсан  34 дэх удаагийн ой тогтоолтын дэлхийн аварга шалгаруулах тэмцээн боллоо. Энэ удаагийн ДАШТ-д 15 орны 169 тамирчин харааны болон сонсголын ой тогтоолтыг шалгасан арван төрлөөр гурван өдрийн турш өрсөлдөж аваргуудаа тодрууллаа.

    Хурдан уншлагын дэлхийн аварга шалгаруулах тэмцээнд 11 улсын 48 тамирчин ойлгож, хурдан унших чадвараараа өрсөлдөж З.Эмүжин нэг минутад 645 үг уншиж, 80 хувийн ойлгоцтойгоор өсвөр үеийн ангилалд мөнгөн медаль хүртлээ. З.Эмүжин сүүлийн найм хоногт 30000-40000 үгтэй буюу 250-380 хуудастай 14 номыг уншиж ойлгоцоо шалган бэлтгэл хийж байжээ.

    Монгол Улсаас хурдан уншлагын олон улсын тэмцээнд оролцон анхны медалийг хүртсэн тамирчин бол Х.Хатанбаатар багш, харин удаах тамирчин нь ДАШТ-ээс мөнгөн медалийг Б.Баасандорж багш хүртэж байсан бол ийнхүү уншлагын төрөлд З.Эмүжин мөнгөн медаль хүртэж амжилтын буухиаг үргэлжлүүллээ. Харин 2026 онд З.Эмүжин маань насанд хүрэгчдийн ангилалд өрсөлдөнө.