Монголын жүдо бөхийн холбоо, Японы жүдо бөхийн холбоотой хамтран ““Judo for Tomorrow”  төслийг дахин эхлүүлэхээр тохиролцлоо. Төслийн зорилго нь Монголын жүдогийн хөгжлийг дэмжих, ялангуяа хүүхэдтэй ажилладаг дасгалжуулагч, багш нарын ур чадвар, арга зүйг нэмэгдүүлэхэд чиглэх юм.

     Төслийн нэгдүгээр шатны хүрээнд хөдөө орон нутгийн жүдогийн багш, хүүхдийн дасгалжуулагч нарт зориулсан сургалт зохион байгуулагдана. 2026 оны хоёрдугаар сарын 1–10-ны хооронд Япон Улсаас ирэх дөрвөн мэргэжлийн дасгалжуулагч Улаанбаатар хотод арав хоногийн сургалт явуулж, хүүхэдтэй ажиллах сургалтын арга зүй, жүдо бөхийн мэх техник заах арга барилын талаар мэдлэг, туршлагаа хуваалцана.