ОХУ-ын Ханты Мансийск хотод боксын нефтьтэй орнуудын дэлхийн цомын тэмцээн арванхоёрдугаар сарын 1-7-ны өдрүүдэд болов. Тус 22 дахь удаагийн тэмцээнд манай улсаас Үндэсний шигшээ багийн дасгалжуулагч Ж.Отгонбаяр, А.Бат-Очир нарын удирдлага дор долоон тамирчин оролцоход хоёр мөнгө, хоёр хүрэл медаль хүртлээ.

    Тухайлбал, тэмцээний 67 кг-ын жинд Т.Энхтөр, 60 кг-д Д.Ганболд нар мөнгө, 71 кг-д Б.Мишээлт, 80 кг-д Ө.Төгөлдөр хүрэл нар хүрэл медаль хүртсэн байна. Энэ удаагийн тэмцээнээс анхлан медаль хүртсэн монгол боксчин бол 2001 онд 54 кг-ын жинд Ц.Пүрэвдорж хүрэл медаль хүртэж байв.