Монголын үндэсний олимпын хорооноос спортын салбарын оны шилдгүүдийг тодруулах “Бөртэ чоно-2025” тэргүүн дээд шагнал гардуулах ёслолын ажиллагаа өчигдөр "Чингис хаан" зочид буудалд боллоо.  “Бөртэ чоно-2025” наадмын пара спортын “Шилдэг тамирчин”-аар ДАШТ-ий хошой алтан медальт, ОУХМ Д.Сэлэнгээ тодорлоо.

    Харин “Бөртэ чоно-2025” наадмын “Шилдэг баг”-аар 3х3-ын ДАШТ-ий мөнгөн медальт эмэгтэй шигшээ баг, “Шилдэг өвлийн спортын холбоо”-гоор Монголын цанын холбоо, “Шилдэг олимпын бус спортын холбоо”-гоор Монголын жюү жицүгийн холбоо, Монголын сагсан бөмбөгийн холбоо, Монголын усан спорт сонирхогчдын холбоо шалгарсан.

   Тус наадмын “Шилдэг дасгалжуулагч”-аар Монголын чөлөөт бөхийн эмэгтэй шигшээ багийн дасгалжуулагч С.Сүхбаатар, “Шилдэг дасгалжуулагч”-аар Монголын боксын холбооны дасгалжуулагч О.Батхүү, “Шилдэг шүүгч”-ээр Монголыг гольфийн холбооны шүүгч А.Сарнай, “Шилдэг шүүгч”-ээр Монголын боксын холбооны шүүгч Б.Атарбаяр нар шалгарлаа.