Монголын үндэсний олимпын хорооноос спортын салбарын оны шилдгүүдийг тодруулах “Бөртэ чоно-2025” тэргүүн дээд шагнал гардуулах ёслолын ажиллагаа өчигдөр "Чингис хаан" зочид буудалд боллоо.  “Бөртэ чоно-2025” наадмын “Шилдгийн шилдэг тамирчин”-аар, ДАШТ-ий мөнгө, хүрэл медальт, МУГТ Т.Тулга тодорлоо. Монголын боксын холбооноос "БӨРТЭ ЧОНО-2025" наадмаас дөрвөн шилдэг тодров. Б.Атарбаяр “Шилдэг шүүгч”, О.Батхүү “Шилдэг дасгалжуулагч”, А.Баттулга “Шилдэг эрэгтэй тамирчин”, А.Алтанцэцэг “Шилдэг эмэгтэй тамирчин”-аар шалгарсан.

    Харин Монголын жүдо бөхийн холбооноос “Бөртэ чоно-2025” наадмын “Шилдэг залуу тамирчин”-аар өсвөрийн дэлхийн аварга М.Цэдбазар, “Эрэгтэй шилдэг тамирчин”-аар ДАШТ-ий хүрэл медальт, ОУХМ К.Ёолк, “Эмэгтэй шилдэг тамирчин” ДАШТ-ий хүрэл медальт, Ази тивийн аварга, ОУХМ Б.Ганхайч, Монголын чөлөөт бөхийн холбооноос “Бөртэ чоно-2025” наадмын "Шилдэг эмэгтэй тамирчин"-аар дэлхийн аварга, ДАШТ-ий хүрэл медальт, МУГТ П. Орхон, “Оны онцлох амжилт”-аар “PHYSICAL ASIА TEAM” багийн гишүүн, ОУХМ А.Адъяасүрэн нар шалгарлаа.