Япон Улсын нийслэл Токио хотод жүдо бөхийн “Их дуулга” тэмцэн арванхоёрдугаар сарын 6-7-ны өдрүүдэд болж байна. Тэмцээнд одоогийн байдлаар 41 орны эрэгтэй 169, эмэгтэй 134, нийт 303  тамирчин өрсөлдөж байгаа . “Их дуулга”-ын эхний өдөр  эмэгтэйчүүдийн 48 кг-ын жинд Ж.Анударь хүрэл медалийн төлөө барилдаж, шагналт тавдугаар байрт орлоо. Өнөөдөр “Их дуулга”-ын сүүлийн өдөр эрэгтэйчүүдийн 60, 66 ,73, 81 кг, эмэгтэйчүүдийн 70, -78, +78 кг-ын жингийн барилдаан явагдаж “Токио-2025 Гранд слам” тэмцээн өндөрлөнө.

ЭРЭГТЭЙЧҮҮДИЙН 60 КГ-ЫН ЖИНД  Б.СҮХБАТ, К.ЁОЛК  НАР БАРИЛДАНА

     Эрэгтэйчүүдийн 60 кг-ын жинд 21 жүдочин байна. Манай тамирчин, ДАШТ-ий хүрэл медальт ОУХМ К.Ёолк  “А” хэсгийн нэгдүгээр тойрогт Израилийн 18 настай залуу тамирчин Izhak  ASHPIZ-тай таарсан. Хэрэв түүнийг ялж чадах юм бол хоёрдугаар тойрогт Бразилын Michel  AUGUSTO-той барилдана.

ОУХМ Б.Сүхбат “D” хэсгийн нэгдүгээр тойрогт Польшийн  Ksawery IGNASIAK-тай таарсан байгаа. Түүнийг хэрэв буулган авч чадвал хоёрдугаар тойрогт Өмнөд Солонгосын LEE Harim-тай барилдана.  

ЭРЭГТЭЙЧҮҮДИЙН 66 КГ-ЫН ЖИНД Б.ЭРХЭМБАЯР

     Эрэгтэйчүүдийн 66 кг-ын жинд 29  жүдочин байна. ОУХМ Б.Эрхэмбаяр “D” хэсгийн нэгдүгээр тойрогт Киргизстаны Baibol SALAMAT UULU-тай таарсан. Хэрэв түүнийг ялж чадах юм бол хоёрдугаар тойрогт Японы  Kairi KENTOKU, Литавын Simas POLIKEVICIUS  нарын хэн ялсантай барилдана.

ЭРЭГТЭЙЧҮҮДИЙН 73 КГ-ЫН ЖИНД  Л.АНХЗАЯА, О.УРАНБАЯР НАР ХҮЧ ҮЗНЭ

     Эрэгтэйчүүдийн 73 кг-ын жинд 24 жүдочин байна. Манай улсаас дэлхийн аваргын хүрэл медальт, ОУХМ Л.Анхзаяа хүч үзнэ. Тэрбээр “D” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт АНУ-ын Cole CHANDLER, Шри Ланкийн Chamara  REPIYALLAGE  нарын хэн ялсантай барилдана.

Энэ жингийн “В” хэсгийг ОУХМ О.Уранбаяр толгойлон барилдах юм. Тэрбээр нэгдүгээр тойрогт гоц мөргөн ялалт авсан байгаа. Хоёрдугаар тойрогт Польшийн Marcin KOWALSKI,  Бахрейны  Mukhamed ALOEV нарын хэн ялсантай барилдана.

ЭРЭГТЭЙЧҮҮДИЙН 81  КГ-ЫН ЖИНД Н.ЖАНГАРАЙ

    Эрэгтэйчүүдийн 81 кг-ын жинд 32 жүдочин байна. Залуу тамирчин Жангарай “В” хэсгийн нэгдүгээр тойрогт Тажикстаны Behruzi KHOJAZODA-тай таарсан. Түүнийг хэрэв ялж чадвал хоёрдугаар тойрогт  Бельгийн Matthias CASSE аваргатай барилдана.

ЭМЭГТЭЙЧҮҮДИЙН -78 КГ-ЫН ЖИНД О.ХҮСЛЭН  БАРИЛДАНА

     Эмэгтэйчүүдийн -78 кг-ын жинд 18 жүдочин байна. ОУХМ О.Хүслэн “А” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт Тайванийн Shu Huei HSU WANG-тай барилдана. Түүнийг хэрэв ялах юм бол “А” хэсгийн аваргын төлөөх барилдааныг Японы Reina TANAKA, Португалийн  Patricia SAMPAIO  нарын хэн ялсантай хийнэ.