Саудын Арабын Хобар хотод  “IFBB” буюу  Олон улсын бодибилдинг, фитнессийн холбооны 79 дэх удаагийн эрэгтэйчүүдийн дэлхийн аварга шалгаруулах тэмцээн боллоо. Мөн  эрэгтэй, эмэгтэй фитнесс челленжийн дэлхийн аварга шалгаруулах тэмцээнд Монголын баг тамирчид амжилттай оролцсон байна.

     Манай тамирчин Ү.Мягмардулам  “Master Silver level”  эмэгтэй ганцаарчилсан төрөлд хүрэл медаль,  “Bronze level” эмэгтэйчүүдийн  ганцаарчилсан төрөлд IV байр, “Silver” хосын төрөлд хүрэл медаль тус тус хүртсэн бахдам амжилтыг гаргалаа.

     Харин ДАШТ-ий эрэгтэйчүүдийн ангилалд  Лхагвасүрэнгийн Буйр дэлхийн  аваргын хүрэл медаль хүртсэн бахархам амжилт гаргалаа. Багийн төрөлд Нэргүйн Хүрэлбаатар, Баттогтохын Мөнх-Эрдэнэ нар Бүгд Найрамдах Ардчилсан Алжир Улсын тамирчидтай хамтран нэг  баг болон өрсөлдөж мөнгөн медаль хүртжээ.