МҮОХ-оос ОУОХ-ны эв санааны нэгдлийн санхүүжилтээр спорт холбоодын хүний нөөцийг нэмэгдүүлэх, багш дасгалжуулагчдын ур чадварыг сайжруулах, орчин үеийн шинэ мэдээ мэдээллийг олгох зорилгоор “Дасгалжуулагчдын үндэсний сургалт семинар”-ыг зохион байгуулдаг билээ.

   Энэ удаад Монголын гимнастикийн холбооны уран сайхны гимнастикийн багш дасгалжуулагчдын үндэсний сургалтыг Португал Улсын сургагч багш Елена Диас болон Болгар Улсын сургагч багш Силвияа Митева нарын удирдлага дор 2025 оны арваннэгдүгээр сарын 18-23-ны өдрүүдэд Монгол Улсын нийслэл Улаанбаатар хотноо зохион байгууллаа.

   Сургалтад оролцсон 20 дасгалжуулагчаас 15 нь шалгалтаа амжилттай давж насан туршийн олон улсын дасгалжуулагчийн эрхтэй боллоо. Багш, дасгалжуулагчид энэхүү эрхийг авснаар аль ч улсад мэргэжлээрээ ажиллах эрх нээгдэж Монгол Улсдаа олон улсын хамтарсан бэлтгэлийг удирдах томоохон давуу тал үүсч байна.