Монгол хүний сэтгэлийн болон биеийн хүчийг дэлхийд гайхуулсан “Physical Asia” тэмцээний манай багын тамирчин Б.Энх-Оргил өөрийн тэсвэр тэвчээрээ ард олноо омогшуулж чадлаа. Өвдөлтийнхөө хажуугаар нүдээ ирмээд инээж байгаа нь хүнд сорилт бэрхшээлийн өмнө ч бусдыгаа тайвшруулж буй мэт сэтгэлийн ямар их хүчтэй байгаагаа харуулсан билээ.

     Тэрбээр “Тийм ч их зодоон хийдэг байгаагүй ээ. Харин найзууд маань атаман байсан. Харин би хүнийг дээрэлхдэг занд дургүй. Дээрэлхүүлж байгаа хүүхдүүдийг өмөөрдөг хүүхэд байсан юм” хэмээн нэгэн ярилцлага даа дурдаж байсан.

       Өнөөдөр тэр тулааны рингэн дээрх амжилт, гайхамшигт ур чадварынхаа ачаар "Торментор" хочтой нэгэн болжээ. Мэргэжилтнүүд түүний ур чадварт эргэлздэггүй, түүнийг ирээдүйтэй тамирчин гэлцдэг.

       Тэрбээр мэргэжлийн тулааны дэвжээнд нийт 13 тулаан хийж 10-т нь ялалт байгуулжээ.

       Б.Энх-Оргил Аварга Биеийн Тамирын Дээд Сургуульд бодибилдинг, фитнесийн дасгалжуулагч мэргэжлээр суралцаж, тулааны урлагаар хичээллэсэн байдаг.

       2012 онд сургуулиа төгсөөд уул уурхайн Оюутолгой ХХК-д фитнесийн дасгалжуулагчаар ажилд оржээ.

       Тэрбээр ONE FC холбооны рингэнд хамгийн анх 2023 оны дөрөвдүгээр сарын 21-нд гарсан. Уг тулаанд тэр Филиппин тулаанч Адонис Севиллиног буулган авсан юм.

      Түүний ээж нь сувилагч, аав нь тээврийн жолооч мэргэжилтэй бөгөөд ах, охин дүүгийн хамт Ховд аймагт өсжээ.

       Ээж нь түүний хамгийн том дэмжигч байсан. Анхны таеквондогийн тэмцээнд оролцохоор Улаанбаатар орох болоход ээж нь цалингийн зээл авч замын зардлыг нь гаргасан гэдэг.

      2012 онд сургуулиа төгсөөд уул уурхайн Оюутолгой ХХК-д фитнесийн дасгалжуулагчаар ажилд оржээ. Тун удалгүй тэрээр өндөр цалин хөлстэй платформын оператор болсон ч цаг хугацаа өнгөрөх тусам нэг л хоосон мэдрэмжтэй явах болжээ.