Киргизстан Улсын Бишкек хотод самбо бөхийн 2025 оны ДАШТ үргэлжилж байна. ДАШТ-ий эхний өдөр манай тамирчин Ц. Төгсболд байлдааны самбо бөхийн төрлийн 64 кг-ын жинд хүрэл медаль хүртжээ. Мөн спорт самбо бөхийн + 98 кг-ын жинд Д Пүрэвдорж хүрэл медаль хүртсэн байна. Энэ удаагийн ДАШТ-д дэлхийн 80 гаруй улсын самбочид спорт, байлдааны самбо бөх гэсэн төрлөөр өрсөлдөж байгаа. Манай пара самбо бөхийн тамирчид анх удаа дасгалжуулагч, гавьяат тамирчин Ууганхүүгийн удирдлага дор гурван тамирчин өрсөлдөнө.