Тайланд Улсын Бангкок хотноо өнөөдөр эхэлсэн жюү жицү-гийн насанд хүрэгчийн дэлхийн аварга шалгаруулах тэмцээний  эмэгтэйчүүдийн 57 кг-ын жинд манай хоёр тамирчин хүч үзлээ. “Гаруда” академи, “Гүмүда констракшн” компанийн тамирчин Ганбаатарын Монголжин 1-р тойрог хийлж, 2-р тойрог Францын тамирчинд нэмэлт цагт оноогоор хожигдов.

    Тэрбээр дагах тойргийн барилдаанд Филлипин, Туркместан, Францийн Улсын тамирчдыг ялж, ДАШТ-ий хүрэл медлийн төлөө Франц Улсын тамирчинд идэвхийн оноогоор ялагдсанаар V байрт шалгарлаа. Г.Монголжин ДАШТ-ий долоо дахь өдөр “No Gi” төрөлд хүч үзнэ.

    МУБИС-ийн “JUMP” академийн тамирчин Баасанжаргалын Наранхишиг 1-р тойрогт Филлипин Улсын тамирчныг цэвэр ялж, 2-р тойрогт Швед Улсын тамирчинд оноогоор хожигдож, дагах тойргийн барилдаан Хонконгийн хоёр тамирчныг цэвэр ялж, ОХУ-ын тамирчинд оноогоор хожигдож VII байрт шалгарлаа. Тэрбээр ДАШТ-ий долоо дахь өдөр “No Gi” төрөлд, 13-14 дахь өдөр “U21” ангилалд тус тус барилдана.