МҮБХ-ны тэргүүн Ц.Магалжав, ЭХЭМҮТ-ийн ерөнхий захирал Ж.Отгонбаатар нар санамж бичгийг байгууллаа. Санамж бичгийн хүрэээнд МҮБХ хамтрагч байгууллагууд, бөхчүүд, дэвжээ клубуудтэй хамтран “САЙН ҮЙЛСИЙН АЯН”-г дэмжих арга хэмжээ болон 2025 оны арванхоёрдугаар сард бөхийн барилдааныг тус тус зохион байгуулахаар боллоо.

    Тус байгууллага нь “ЭХ, ХҮҮХДИЙН ЭРҮҮЛ МЭНД - ЭХ ОРНЫ ЭРХЭМ БАЯЛАГ” уриаг хэрэгжүүлэн ажилладаг бөгөөд МҮБХ-ноос алсын зайн оношилгоо, сургалт, судалгааны төвийг тохижуулахад дэмжлэг үзүүлэх юм. Эх, хүүхдийн эрүүл мэндийн үндэсний төв нь жилд 365,875 эх, хүүхэд эмэгтэйчүүдэд амбулаторийн тусламж, үйлчилгээ, 32,972 эх, эмэгтэйчүүд хүүхдэд хэвтүүлэн эмчлүүлэх тусламж, үйлчилгээг үзүүлж байна.