“Хасын Хүлгүүд” баг эх орондоо хийж буй “EASL” лигийн тоглолтдоо Тайванийн лигийн аварга “New Taipei Kings” багийг 14 онооны зөрүүтэй 90:76-аар буулгаж авлаа. Японы лигийн аваргуудыг талбайд нь буулгаж авсан нь тохиолдол байгаагүй гэдгээ Азийн бусад лигийн аваргуудад сануулах шиг боллоо.Тоглолтын эхнээс Miller “класс” түвшний импорт гэдгээ харуулсан бол Азбаяр, Барсболд, Ихбаяр гэсэн “Монголын их гурвал” хэдийн бүрдсэн гэдгийг батлав.

     “Хүлгүүдийн” үзүүлж буй тоглолт бүр түүх бүтээж, амжилтын буухиаг түүчээлж буй нь бахархууштай.  Яг нэг түвшинд Монголын сагс, Монгол багууд ард нь адил хөгжиж байгаа нь тодорхой. “Apes”, “Knights”, “Metall”, “Miners” бүгд л ээлжээ хүлээн, бэлтгэлээ базаасаар. Монгол багууд Азийн түвшинд хоорондоо үзэх цаг тунчиг ойрхон байна.