Өсвөр үе, залуучуудын “Бахрейн-2025” Азийн наадам үргэлжилж байна. Тус наадмын жүдо бөхийн эмэгтэйчүүдийн 40 кг-ын жинд өрсөлдсөн тамирчин Б.Хулан Тажикистан болон Киргизстаны бөхчүүдийг вазари оноогоор ялснаар финалд шалгарсан юм. Алтан медалийн төлөө барилдаанд Узбекистаны тамирчин Болтабаева Дилафрузтэй эн тэнцүү барилдаж, улмаар даралтанд орж иппон үнэлгээгээр ялагдсанаар мөнгөн медаль хүртлээ.

     Эмэгтэйчүүдийн 48 кг-ын жинд өрсөлдсөн Э.Тэмүгэн Тажикистаны бөхийг иппон оноогоор ялж, Энэтхэгийн бөхөд иппон үнэлгээгээр ялагдаж, дагах барилдаанд Йорданы бөхийг иппон үнэлгээр ялсан. Хүрэл медалийн төлөө барилдаанд Узбекистаны тамирчин Азамбекова Дианаг юүко үнэлгээгээр хожлоо. Жүдо бөхийн эрэгтэйчүүдийн 60 кг-ын жинд барилдсан Ж. Энхтөр, эмэгтэйчүүдийн 44 кг-ын жинд барилдсан Г. Цэлмүүн нартаа шагналт V байрт орлоо.